Einfalt en ótrúlega ljúffengt grillað ribeye með krydduðu frönskum kartöflum og heimagerðu hvítlaukssmjöri. Skotheld uppskrift þegar gera á vel við sig og sína með góðri steik.
Fyrir 2:
Ribeye steikur, 2x 250 g
Franskar kartöflur, 400 g / Ég notaði Aviko Super Crunch
Hvítlauksduft, 0,5 tsk
Paprikuduft, 0,5 tsk
Brokkolini, 250 g / Fæst í Costco
Smjör, 60 ml / Við stofuhita
Hvítlauksrif, 2 lítil eða 1 stórt
Steinselja, 2 msk söxuð
Sítróna, 1 stk
Salt eftir smekk
Pressið hvítlauksrif og rífið um 2 tsk af sítrónuberki (varist að taka hvíta undirlagið með). Blandið saman hvítlauk, smjöri, saxaðri steinselju og sítrónuberki. Smakkið til með salti.
Takið kjötið úr kæli amk 1 klst fyrir eldun, en það mun hjálpa til við jafnari og betri eldun.
Nuddið kjötið með olíu og saltið rausnarlega. Piprið eftir smekk.
Setjið kartöflurnar í stóra skál, veltið upp úr olíu og salti og eldið þær svo eftir leiðbeiningum á umbúðum.
Færið bakaðar kartöflurnar aftur í skálina og veltið upp úr hvítlauks og paprikudufti. Smakkið til með salti ef þarf.
Setjið vatn í pott ásamt svolitlu salti og náið upp suðu. Lækkið hitann svo það rétt kraumi í vatninu og sjóðið brokkolini í 3 mín.
Hitið grill að 200°C og grillið steikurnar í 4-5 mín á hvorri hlið upp í 54°C kjarnhita fyrir medium-rare eldun. Best er að nota kjöthitamæli til að tryggja nákvæma eldun. Leyfið kjötinu að hvíla í nokkrar mín áður en skorið er í það.