Pulled pork

Updated: Feb 10, 2019

Pulled pork er æði. Það eina sem þið þurfið er heill biti af grísahnakka, góð kryddblanda og þolinmæði og þá stendur ekkert á milli ykkar og ljúffengra BBQ borgara. Löðrið með uppáhalds BBQ sósunni ykkar og búið til borgara með heimagerðu hrásalati eða setjið í tacos eða vefjur. Möguleikarnir eru óteljandi en allir ljúffengir.


Grísahnakki (heill & úrbeinaður), 2.2-2.5 kg

(Grísahnakkinn fæst í Costco eða í sérpöntun í kjötbúðum)

Cumin, 1.5 tsk

Reykt paprika, 1.5 tsk

Hvítlauksduft, 1.5 tsk

Oregano, 1.5 tsk

Púðursykur, 1 msk

Borðsalt, 1 tsk

Laukur, 1 stk

Gulrót, 1 stk

Hvítlauksrif, 4 stk

Kjúklingakraftur, 2 teningar

Sambal oelek, 3 msk

Vatn eftir þörfum

  1. Skerið lauk í fernt, gulrót gróflega og kremjið hvítlaukinn aðeins. Hrærið saman cumin, papriku, hvítlauksduft, oregano, púðursykur og salti.

  2. Nuddið kryddblöndunni vel í kjötið og setjið í steypujárnspott með loki sem rúmar kjötið.

  3. Raðið grænmetinu meðfram kjötinu, myljið kjúklingateningana og setjið í pottinn ásamt sambal oelek og nægu vatni til að hylja 3/4 af kjötinu (ætti að vera sirka 0,5 líter)

  4. Setjið inn í 100 °C heitan ofn og eldið í 5 klukkustundir eða þar til kjötið losnar auðveldlega í sundur þegar togað er í það með gaffli.

  5. Færið kjötið í á fat og hyljið með álpappír í um 20 mín áður en þið rífið það í sundur. Nýtið tímann á meðan kjötið hvílir til að til að sjóða um 600 ml af soðinu niður í um 150 ml.

  6. Tætið kjötið í sundur með 2 göfflum og hrærið soðinu saman við. Smakkið til með salti.