Nutella kleinuhringir

Hér er komin sannkölluð veisla fyrir Nutella og súkkulaði unnendur. Sáraeinfaldir en sjúklega góðir bakaðir Nutella kleinuhringir sem gera alla daga betri!

Gerir 10-12 kleinuhringi:

140 g hveiti

25 g kakóduft

70 g sykur

1/2 tsk lyftiduft

1/2 tsk matarsódi

1 vanillustöng

30 g smjör

80 ml mjólk

60 ml jógúrt

1 egg

Nutella 4 msk

Glaze:

Nutella 3 msk

Flórsykur, 10 g

Nýmjólk, 2-4 msk

Súkkulaðispænir til skrauts

1. Forhitið ofn í 175°C með yfir og undirhita.

2. Pískið saman hveiti, kakóduft, sykur, salt, lyftiduft og matarsóda.

3. Skerið vanillustöng í tvennt og skafið fræin úr henni. Bræðið smjör við. Pískið saman, smjör, mjólk, jógúrt, egg og vanillufræ.

4. Pískið blautblöndunni saman við þurrefnablönduna þar til allt hefur samlagast (varist að ofhræra blönduna).

5. Færið deigið í sprautupoka eða smellupoka og klippið gat í eitt hornið svo auðvelt sé að sprauta út deiginu.

6. Spreyið 2 kleinuhringjaform með matarolíu.

7. Fyllið hvert mót hálfa leið upp af deigi. Dreifið nutella í nokkrum doppum yfir deigið og hrærið aðeins í því með t.d. tannstöngli svo það dreifist aðeins betur um deigið.

8. Bakið í miðjum ofni í 9-10 mín og látið kólna í smástund áður en kleinuhringirnir eru fjarlægðir úr mótinu.

9. Pískið saman nutella, flórsykur og mjólk eftir þörfum þar til glaze’ið er hæfilegt að þykkt svo hægt sé að dýfa kleinuhringjunum í það.

10. Gott er að hita glaze’ið smá áður en það er notað því þá mun það þorna aðeins stífara.

11. Skreytið kleinuhringina með sukkúkkulaðispæni eftir smekk um leið og búið er að dýfa þeim í glaze’ið.