Fljótlegt mezze rigatoni bolognese í rjómalagaðri pestósósu með ristuðum panko raspi

Hér er á ferðinni fullkomin pastauppskrift til að elda í í miðri viku þegar tíminn er af skornum skammti en kolvetnaþörfin sterk.

Rjómalöguð pestósósan verður silkimjúk þegar pastað fær að malla í stutta stund í henni og ristaði panko raspurinn gefur virkilega skemmtilegt kröns og gerir hvern einasta bita skemmtilegan. Mæli mikið með! Ég er persónulega mjög hrifinn af fennel og chili í pastaréttum en það má að sjálfsögðu nota þessi krydd eftir smekk og verður rétturinn engu verri fyrir vikið.

Fyrir 2:

Ungnautahakk, 300 g

Mezze rigatoni, 200 g / Ég notaði Rummo

Niðursoðnir tómatar, 200 g / Ég notaði Mutti

Rjómi, 80 ml

Rautt pestó, 50 g

Tómatpúrra, 1 msk

Hvítlauksduft, 0,5 tsk

Kjötkraftur, 1 tsk / Ég notaði Oscar

Fennelduft, 0,5 tsk / Má sleppa

Chiliflögur, 0,25 tsk / Má sleppa Panko brauðraspur, 0,5 dl

Steinselja, 6 g Parmesanostur, 20 g

1. Setjið vatn í pott með ríflegu magni af salti og náið upp suðu.

2. Hitið pönnu við meðalháan hita og bætið smá olíu út á. Bætið panko út á pönnuna og ristið þar til hann hefur tekið fallegan lit. Takið til hliðar og þurrkið létt úr pönnunni.

3. Bætið olíu út á pönnuna og steikið kjötið þar til það er fulleldað.

4. Bætið tómatpúrru, kjötkrafti, fenneldufti, chiliflögum og hvítlauksdufti út á pönnuna og steikið í stutta stund.

5. Bætið niðursoðnum tómötum, pestó og rjóma út á pönnuna, blandið vel saman og lækkið hitann ögn. Rífið helminginn af parmesanostinum saman við og látið svo malla undir loki á meðan pasta er soðið. Takið lokið af pönnunni þegar nokkrar mín eru í að pastað sé tilbúið og sjóðið sósuna aðeins niður. Smakkið til með salti.

6. Bætið pasta út í pottinn með sjóðandi vatninu og sjóðið eftir leiðbeiningum á umbúðum.

7. Sigtið vatnið frá pastanum og og blandið saman við kjötsósuna á pönnunni. Látið allt malla saman í stutta stund. Sterkjan úr pastanu mun þykkja sósuna enn frekar.

8. Rífið restina af parmesanostinum saman við pastaréttinn og saxið steinselju saman við. Blandið vel saman.

9. Toppið með panko raspi og berið fram með auka parmesanosti og fersku salati til hliðar.