Loaded Korean style franskar með osti, gochujang majó og beikoni

Stökkt beikon, bráðinn ostur, rjúkandi franskar og Gochujang-mayo sem hittir á fullkomna blöndu af sætu og chili. Þetta er ekki máltíð – þetta er upplifun!

Þegar þig langar í eitthvað sem er bæði einfalt og sjúklega gott, þá er þetta rétti rétturinn. Svolítið messy, svolítið spicy en alveg ómótstæðilegt.

Franskar

500 g frosnar franskar (Ég notaði Avico super crunch)

2 msk olía (ólífuolía eða sesamolía)

Smá salt

Gochujang mayo

3 msk majónes

1,5 msk gochujang

1 tsk hrísgrjónaedik (eða sítrónusafi)

½ tsk hunang

1–2 tsk vatn (ef þarf að þynna)

Topping

Beikon, 40 g

1–2 vorlaukar, sneiddir

Kóríander saxaður, 5 g

1 msk ristuð sesamfræ

Rifinn ostur eftir smekk (val, t.d. cheddar eða mozzarella)

Kimchi sneitt gróflega, 50 g

1. Raðið beikoni á ofnplötu og bakið í miðjum ofni við 200°C blástur í 10-14 mín eða þar til beikonið er stökkt og fallegt. Takið út og saxið.

2. Hækkið hitann á ofninum eftir leiðbeiningum á umbúðunum af frönskunum. Leggið franskar á bökunarplötu, dreypið yfir olíu og saltið.

3. Bakið þar til franskarnar eru gullinbrúnar og stökkar – oft 5–10 mínútum lengur en pakkinn segir.

4. Á meðan: hrærið saman gochujang mayo í skál. Þynnið aðeins með vatni ef sósan er of þykk.

5. Þegar franskarnar koma úr ofni, setjið þær á fat eða bakka. Stráið ostinum yfir franskarnar og toppið með beikoni. Bakið í 2-3 mín þar til osturinn er bráðnaður.

6. Dreypið gochujang mayo eftir smekk yfir franskarnar og berið restina fram til hliðar. Stráið vorlauk, kóríander, kimchi og sesamfræjum yfir.