Heitt súkkulaði með Stroh er fyrir löngu orðið klassík. Hér er þessi frábæri vetrardrykkur tekinn upp á næsta stig með karamellusósu sem blandast fullkomlega saman við rjómann og heita súkkulaðið.
Fyrir 3-4:
Stroh 60, 60-100 ml
Mjólk, 500 ml
Vanilludropar, 0,5 tsk
Kanilstöng, 1 stk
Súkkulaði 56%, 150 g
Kakóduft, 1 msk
Hlynsíróp, 2 msk
Karamellusósa, 60 ml / Ég notaði Smuckers
Rjómi, 150 ml
Setjið mjólk, vanilludropa og kanilstöng í pott og stillið á miðlungshita. Hitið mjólkina
þar til hún nálgast það að fara að sjóða.
Saxið súkkulaðið (geymið smá til skrauts). Lækkið hitann ögn og bætið súkkulaði út í
pottinn ásamt kakóduft og hlynsírópi. Hrærið í þar til allt hefur samlagast.
Takið af hitanum, fjarlægið kanilstöngina og hrærið Stroh saman við. Smakkið til með
meira Stroh ef vill.
Léttþeytið rjómann. Skiptið heitu kakói á milli glasa, toppið með þeytum rjóma,
karamellusósu og rífið súkkulaði yfir.