Chimichurri er Argentísk jurtasósa sem er ótrúlega góð á allt grillað kjöt og sömuleiðis kjúkling. Það eru til margar útgáfur af þessari frábæru sósu en það má auðveldlega breyta henni og sníða að eigin smekk.
Ferskur kóríander, 10 g
Fersk steinselja, 10 g
Þurrkað oregano, 1 tsk
Hvítlauksrif, 1 stk
Þurrkaðar chili flögur, 1-2 ml (eftir smekk)
Límónusafi, smá kreista
Ólívuolía, 50 ml og svo eftir þörfum
Saxið steinselja og kóríander mjög smátt og setjið í skál með oregano og chili flögum eftir smekk. Rífið hvítlauk saman við (byrjið á hálfu rifi og smakkið ykkur svo til), kreistið smá límónusafa saman við og saltið ögn. Hrærið 50 ml af ólívuolíu saman við og smakkið svo til með salti, meiri hvítlauk og olíu ef þarf.