Buffalo kjúklingaborgari

Þessi er ekki flókinn – bara einföld og góð bragðbomba. Ofnbökuð kjúklingabringa hjúpuð buffalo smjörsósu, geggjuði gráðaostasósa, súrar gúrkur, romaine salat og ristað kartöflubrauð.

Fyrir kjúklinginn:

Kjúklingabringur, 2 stk (Sirka 160 grömm hver.)

Hveiti, 20 g

Maizenna, 20 g

Hvítlauksduft, 1 tsk

Paprikuduft, 1 tsk

Salt eftir smekk

1. Forhitið ofn í 180°C með blæstri.

2. Pískið saman hveiti, maizenna, hvítlauksduft og paprikuduft.

3. Saltið kjúklingbringurnar eftir smekk. Skerið endann af bringunum svo þær passi fallega í brauðin.

4. Veltið bringunum upp úr þurrefnablöndunni og setjið svo á ofngrind í miðjum ofni. Gott er að hafa bökunarplötu með pappír undir til að grípa vökvann sem gæti runnið úr bringunum.

5. Spreyið með olíu og bakið í 20-25 mín (fer eftir þykkt) eða þar til kjúklingurinn er hvítur í gegn og fulleldaður.

Gráðaostasósa:

Majónes, 3 msk

Sýrður rjómi 18%, 3 msk

Sítrónusafi, 1 tsk

Hvítlauksduft, 1/4 tsk

Gráðaostur, 25 g

1. Pískið saman majónes, sýrðan rjóma, sítrónusafa og hvítlauksduft. Stappið gráðaost saman við og smakkið til með salti og smá pipar ef þarf.

Buffalosósa:

Franks red hot wing sauce, 3 msk

Hunang, 1 msk

Eplaedik, 0,5 tsk

Hvítlauksduft, 1/4 tsk

Smjör, 40 g

1. Setjið öll hráefnin saman í lítinn pott og hitið við vægan hita þar til allt hefur samlagast. Ekki láta blönduna sjóða.

Til að setja saman:

Kartöflu hamborgarabrauð, 2 stk

Tómatur, 1 stk

Rauðlaukur, 1 stk

Gráðaostur, 20 g

Romainesalat, 60 g

Súr gúrka, 1 stk

1. Sneiðið romaine salat þunnt. Sneiðið rauðlauk eftir smekk mjög þunnt. Setjið rauðlauk og romainesalat í skál með smá af gráðaostasósunni og blandið vel saman. Myljið restina af gráðaost saman við salatið.

2. Sneiðið tómat og súra gúrku.

3. Ristið hamborgarbauðin með smá smjöri á heitri pönnu þar til gyllt og falleg.

4. Smyrjið brauðin með gráðaostasósu. Veltið bringunum upp úr buffalosósunni og setjið brauðin. toppið með tómötum, súrum gúrkum og að lokum salatinu.