Ef þú ert ekki mikið fyrir salöt þá er þetta salatið sem mun fá þig til að skipta um skoðun.
Bragðmikill kjúklingur, brakandi ferskt salat, mangó og lárpera ásamt hunangs-lime dressingu gera þetta að algjörri veislu sem maður fær ekki nóg af.
Mér þykir vera algjört lykilatriði að nota salat sem er stökkt og safaríkt eins og td romaine eða íssalat því þessar tegundir halda sér stökkum og ferskum með dressingunni.
Fyrir 2:
Kjúklingalæri (skinn & beinlaus), 400 g
Mið-austurlenskt kjúklingakrydd, 1,5 msk / Kryddhúsið
Límónusafi, 2 msk
Ólífuolía, 4 msk
Hunang, 1 msk
Smátt saxaður kóríander, 2 msk
Hvítlauksrif, 1 lítið
Avocado, 1 stk
Mangó, 1 stk
Sólskinstómatar, 120 g
Rauðlaukur, ½ lítill
Radísur, 4 stk
Ristuð graskersfræ, 5 msk
Ferskt salat, 100 g / t.d. romaine og/eða íssalat
Spírur eftir smekk / t.d. radísuspírur
Setjið kjúklingalæri, mið-austurlenskt kjúklingakrydd og 1,5 tsk af flögusalti í skál með skvettu af olíu og blandið vel saman. Látið marinerast í 30 mín.
Stillið ofn á 200°C með blæstri.
Dreifið kjúklingalærunum yfir ofnplötu með bökunarpappír og bakið í miðjum ofni í 25 mín eða þar til kjúklingurinn er fulleldaður og búinn að brúnast fallega. Eða grillið á 200°C heitu grilli í um 5-6 mín á hvorri hlið.
Setjið límónusafa, ólífuolíu, 1 lítið pressað hvítlauksrif, hunang, saxaðan kóríander og smá salt í litla krukku með loki eða tóman hreinan kryddstauk með loki og hristið duglega þangað til allt hefur blandast saman og falleg dressing hefur myndast.
Skerið mangó og tómata í bita, sneiðið avocado, rauðlauk og radísur. Skerið kjúklingalærin í bita.
Rífið/skerið salat eftir smekk og veltið upp úr helmingnum af dressingunni. Skiptið salatinu á milli skála og toppið með restinni af hráefnunum og dreypið restinni af dressingunni yfir eftir smekk