White lady

White lady kokteillinn varð upprunalega til árið 1919 í London hjá manni að nafni Harry MacElhone. Upprunalega uppskriftin notaðist við myntu líkjör í stað gins, en 10 árum seinna breytti Harry uppskriftinni að þeirri sem við þekkjum í dag.


Drykkurinn er klassískur og sérstaklega ljúffengur með eggjahvítufroðu sem gerir hann líka silkimjúkan.

Gin, 6 cl / Ég notaði Roku

Cointreau, 3 cl

Sítrónusafi, 3 cl

Sykursíróp, 3 cl

Eggjahvíta, 1 stk


  1. Setjið öll hráefni í kokteilhristara og hristið vel til þess að mynda góða froðu.

  2. Bætið klökum út í hristarann og hristið þar til drykkurinn er ískaldur.

  3. Síið í glas og skreytið með sítrónu.