Strawberry smash

Hér höfum við skemmtilegan kokteil í boði eins af betri barþjónum landsins, en það er hann Jónas Heiðarr, einn af eigendum Jungle cocktail bar. Kíkið endilega á instagramið hans þar sem hann deilir fullt af skemmtilegum fróðleik tengdum kokteilum.


Hér er á ferðinni hrikalega einfaldur og ferskur vodka kokteill. Þarf ekki að vera flókið að útbúa ljúffengan kokteil heima við. Skemmtilegt jafnvægi á milli hitans í piparnum og sætunni úr jarðaberjunum gera þenna kokteil einstaklega ljúffengan og svalandi!

Vodka, 45 ml

Ferskur sítrónusafi, 20 ml / Lang best að notast við ferskan safa. Alls ekki nota tilbúinn safa úr flösku.

Sykursíróp*, 20 ml Fersk jarðaber, 2-3 stk

Mulinn svartur pipar, eftir smekk.


  1. Byrjið á því að setja jarðaberin og sírópið í hristarann og kremjið berin vel.

  2. Bætið restinni af hráefnunum ásamt nóg af klaka og hristið vel.

  3. Tví-sigtið kokteilinn í kælt viskí glas og skreytið með jarðaberjum og svörtum pipar.

*Sykursíróp 1:1

Vatn, 500 g

Hvítur sykur, 500 g


Setjið sykur og vatn í pott á miðlungs hita og hrærið þangað til að sykurinn er búinn að leysast upp. Leyfið að kólna að fullu áður en sýrópið er sett á flösku og geymt í kæli. Geymist vel í 2-3 vikur í kæli.